Алкохолот и сексот

Без разлика дали ние ќе го признаеме тоа или не, има нераскинлива врска помеѓу алкохолот и сексот. Многумина мислат дека пред сексот мораат да...

 

...се напијат неколку чашки алкохол за да се опуштат и да остават добар впечаток пред новиот партнер.

- Алкохолот како афродизијак
Во западната култура постои погрешно верување дека алкохолот е афродизијак. Многу малку се говори за штетните последици од алкохолот врз здравјето на луѓето, како и големото пореметување кое може да насатане и во љубовниот живот.

Истражувањата покажале дека алкохолот различно дејствува кај жените и мажите. Долгото конзумирање алкохол кај жените предизвикува неспособност за врска, депресија и асоцијалност.

- Што се случува кога ќе се напиеме некоја чашка алкохол повеќе ?
Алкохолот има ефект на опуштање поради кој за кратко време се чувствуваме слободно, релаксирано и доволно смели за да иницираме секс, а тоа исто така води кон несигурни сексуални односи.

Иако алкохолот во помали количини ја зголемува нашата сексуална желба, а големите количини на алкохол не прават неспособни за секс. Мажите кои премногу ќе се напијат имаат проблеми со ерекцијата, додека пак жените не можат да доживеат оргазам.

- Што очекуваме од алкохолот?
Интересно е да се спомене однесувањето на неколку луѓе на кои им било извршено испитување односно, им биле дадени коктели за кои им било кажано дека се со алкохол во нив.

Испитаниците по оваа информација се однесувале пијано и сексуално слободно, иако воопшто не се напиле алкохол.

Тоа докажува дека се однесуваме слободно под влијанието на алкохол. Ако потсвесно веруваме и очекуваме дека од алкохолот треба да се оденсуваме послободно, тогаш самосугестивно така функционираме.