Во која година од бракот партнерите почнуваат да размислуваат за неверство, според истражување?

Кои се најчестите причини за афера и во која година партнерите почнуваат да размислуваат за неверство? Резултатите од ново истражување ќе ве изненадат.

Многумина веруваат дека седмата година од бракот е најризична затоа што тогаш партнерите најчесто почнуваат да размислуваат за неверство, но едно ново истражување покажа дека овие податоци се неточни.

Веб-сајтот за состанување наменет за парови кои се во брак - illisitencounters.com - направи истражување врз 2.000 од своите членови така што им го постави прашањето:

„Во кој период од бракот почнавте да размислувате да започнете афера?“

Според резултатите, околу 7 отсто одговориле дека нивниот партнер ги изневерил уште во првата година од бракот.

Пет проценти велат дека почнале да изневеруваат по 2 години, а 12 отсто велат дека на таков чекор се одлучиле дури по 4 или 5 години брачен живот.

Најголем број од испитаниците, дури 33 отсто, одговориле дека почнале да изневеруваат во третата година од бракот, па затоа се верува дека ова е најризичната година за сите двојки коишто сакаат да останат заедно.

Како најчеста причина за неверство се наведува тоа што партнерите почувствувале дека им недостасува интимност во бракот, а околу 25 отсто (или една четвртина) наведуваат дека добивањето деца им ги променило односите и довело до тоа да чувствуваат дека имаат проблеми во бракот.

Околу 16 отсто тврдат дека изневериле само затоа што им било здодевно и барале возбуда.

Портпаролката на веб-сајтот, Џесика Леони, ваквата промена ја поврзува со самата промена на начинот на живот:

„Во овој брз и динамичен свет, паровите многу побрзо доаѓаат до раскрсница отколку што тоа се случуваше во минатото“ – изјави таа.

Што мислите вие? Дали паровите денес многу побрзо се задоволуваат од врската и бракот отколку порано и почнуваат да бараат нови партнери?

Б. С. Б. | Црнобело