Гледајте го животот од поведрата страна

Доколку сакаме да имаме среќа во животот, или животот да го гледаме низ посреќна рамка, често пати треба да направиме селекција помеѓу приоритетите и да бидеме искрени и кон себе и кон оние кои ни значат - партнерите, семејството, пријателите.

Што помлаку непотребни зборови и што помалку критики упатени на сметка на личностите кои ни се драги и поголема е шансата дека себесеи ќе си обезбедиме психички мир, а тоа е единствена работа која ни е сигурно потребна за нормално да функционираме во современото опкружување.

Дури и ако понекогаш се чувствуваме турнати во втор план, дури и ако така често се чувствуваме, нема причина да бидеме несреќни. Минливоста на таквата состојба сама по себе се подразбира. Секому барем еднаш му се случува да некаде длабоко во себе ја потисне личноста која му е драга. За да ваквата состојба ја поднесете со насмевка на лицето потребно е пред се да имате доволно мудрост и никогаш да не се потценувате себеси затоа што не сте успеале да исполните нечии очекувања.

Друштвото на сензибилни луѓе кои се спремни да ве прифатат со своите мани е секогаш добредојдено. Таквите личности се свесни дека во секој човек покрај мани поседува и врлини.