Стилот за 2012 (втор дел)

Модната прогноза вели дека нѐ очекува разнобојна пролет и многу весело лето. Без разлика дали сакате посуптилен или поагресивен стил, нема нешто што...

...не може да го постигнете со боите на виножитото.

Ако сепак не сте расположени за шаренило, секогаш може да се потпрете на бел фустан и накит и чевли од природни материјали.

Природните материјали се во игра секоја пролет, но оваа година ленот ќе се збратими со чипката. И заборавете на Little black dress. Време е за белиот мал фустан!

 
А кога ќе се носи црно, најверојатно ќе биде прозрачно.

 
Сепак ќе доминираат свежи живи бои. Не се плашете инспирацијата да ја побарате во боите на детските играчки и лижавчиња. 2012 е година на богата текстура, раскошни дезени и многу, многу шаренило.

Флуорoсцентни бои комбинирани со црно и испресечни со патенти ќе го доближат сурферскиот дух во секојдневните парчиња. Морнарскиот стил е на второ место, но останува плодна инспирација за интересни детали.