Како да носите патики со секакви комбинации, без да изгледате смешно?

Кратките здолништа изгледаат подобро со поедноставни патики

Гломазните патики и моделите за трчање не изгледаат многу добро со кратки здолништа.

Во овој случај одберете поедноставни модели, претежно во бела боја.

Високите патики не изгледаат добро со панталони до глуждот

Фармерките чии ногавици се со должина до кај глуждовите се одлични во комбинација со патики.

Но, важно е патиките да не бидат високи бидејќи можат визуелно да ви ги скратат нозете.

Гломазните патики изгледаат добро со широки панталони

Ако облечете тесни фармерки или панталони со гломазни патики, стапалата можат да ви изгледаат преголеми.

Од друга страна, пошироките панталони создаваат совршена рамнотежа.

Лелеавите летни фустани не изгледаат добро со спортски модели

Кога носите широк, лелеав фустан, немојте да го комбинирате со гломазни спортски патики.

Покрај тоа што треба да бидат со поелегантен дизајн, најдобро е патиките да имаат една боја и да не го одвлекуваат вниманието од фустанот.

Држете се до минимализам

Ако на патиките има две или повеќе бои, немојте да ги комбинирате со шарена облека.

Овие модели е најдобро да ги носите со поминималистички комбинации за да не изгледате кич.

Спирова С. | Црнобело