„Вечност“: Новата колекција на дизајнерката Стефанија Насеска, инспирирана од Златните маски од Требеништа

Дали има нешто поемотивно и повредно  од тоа да ‘копаш’ по сопствената историја, да ја бараш с’ржта, а да ја најдеш вечноста?  Дали има нешто потешко од тоа да го бараш почетокот или крајот на вечноста?

Вечност (Eternity) е колекција инспирирана од Златните маски од Требеништа, сами по себе толку многу софистицирани и впечатливи, а сепак толку многу мистични.

Златните маски претставуваат наше национално богатство и како такво сметав дека не се доволно испромовирани, дека кон нив треба да се однесуваме со поголема почит и дека треба повеќе да се зборува за истите.

Токму поради овие причини и нивната мистичност ми беа крајно инспиративни. Истражувајќи ги навлегов во нивната симболика, како тоа дека тие претставуваат заштита за задгробниот, вечниот живот но и дека орнаментиката која вешто е направена преку  релјефното изразување всушност се безконечни спирали и меандри и токму поради тоа колекцијата на нареков вечност.

Иако маските биле користени повеќе кај мажите, јас во мојата колекција ги употребив токму на спротивниот пол, а целата ја посветив на жената како нежно битие на кое му е потребна заштита, но и тоа дека иако нежни жените се моќни силни и воинствени за да бидат водичи во општеството. Па токму поради оваа змисла се наметна идејата да бидат изведени како корсети оклопи кои некогаш ги носеле Амазонките.

Според мене секоја добра колекција заслужува да биде крунисана со една убава фотосесија, која доаѓа како јагода на шлагот. За модниот едиторијал да го постигне светското ниво на квалитет беше задолжен нашиот најпознат, екстремно талентиран, интернационален моден фотограф Стефан Соколовски кој веднаш ми ја разбра идејата и ја реализираше во најдобро модно светло и со гордост можам да се пофалам со резултатите, кои во моментов вашите читатели имаат можност да ги видат.

Пред објективот застанаа двете талентирани убавици од модната агенција Макс Моделс, Анастасија Таушанова и Јагмур Бас, кои крајно професионално си ја завршија својата работа. За шминката се погрижи нашата визажистка Сања Ивановска од студио Бленд.

Се надевам дека уживате во овој мал моден времеплов:

• 
• 
• 
• 
• 
• 
• 
• 
• 
• 
• 
• 
• 
• 
•