Војнички изглед и формална облека – модни сојузници во колекциите на Diesel

Колекцијата пролет/лето 2013 на Diesel ги истражува границите помеѓу војничкото облекување, формалната и секојдневната облека – судирајќи се тие стануваат модни сојузници.

Машката колекција отсекогаш се фокусирала на совршените материјали и најхрабрата комбинација на стилови и форми. Дизајнерите на Diesel оваа сезона прават интересна комбинација на таканаречениот “military” стил и поформалната облека. Зелената боја доминира, а облеката во бела боја и дава доза свежина на целата линија.

Разните модели на фармерки во повеќе нијанси и кроеви се секако едни од најатрактивните парчиња и нешто што мора да го има секој модерен маж. Современиот изглед  е надополнет со маички со интересни апликации, кожени јакни и уникатни модни додатоци како чевли и чанти со детали во разиграни бои.

Неизбежна е и колекцијата на долна облека Underdenim која е совршена подлога на Diesel џинсот – дизајнот на долната облека до ситни детали го следи дизајнот на фармерките. 

Diesel e италијански бренд најпрепознатлив по џинс колекциите. Овој луксузен, но урбан моден бренд е основан во 1978 година од страна на Ренцо Росо и оттогаш доживува брз развој.

Денес брендот нуди повеќе линии за мажи, жени и деца, Diesel Black & Gold и лајфстајл колекција, часовници, очила...Компанијата е активна и во хуманитарни цели, а особено се издвојува проектот Only the Brave кој е намeнет за помош на сиромашните во Африка. Низ светот Diesel има 300 моно-бренд продавници, а е присутен на вкупно 5000 продажни места.