Како се променија „идеалните пропорции“ за само 20 години?

Plus Model магазинот неодамна започна кампања за буквално отворање на очите на жените, во која моделот со облини Katya Zharkova открива повеќе неверојатни статистики за „обичните“ модели наспроти оние како неа.

Како стандардите, килограмите и пропорциите се промениле само во 2 декади, откријте во продолжение:

1. Пред 20 години, просечниот модел тежел 8% помалку од нормалната жена. Денес таа разлика е цели 23%.

2. Пред 10 години, за модели со облини се сметале девојките и жените кои носеле конфекциски броеви од 44 до 50 по европски стандарди. Денес, тие стандарди се намалени од конфекцискиот број 38 до 46.

3. Повеќето модели од врвните модни писти имаат индекс на телесна маса во телото кој се граничи со физичките критериуми за анорексија.

4. 50% од жените носат облека со број поголем од 46, но повеќето брендови нудат броеви многу помали од 46.

„Ако продолжиме да ги игнорираме овие факти, промената никогаш нема да се случи. Мора да бидеме гласни и активни, трпеливи но реални,“ предупредуваат од екипата на магазинот.

Никој не би требало да се изгладнува или да го мрази своето тело само затоа што не се вклопува во светот на нереални и исфотошопирани тела кои ги промовираат таблоидите.