4 пара шорцеви кои треба да ги имате пред да почне летото

Летните горештини почнаа да ни го брануваат секојдневието, а тоа значи дека треба да ја извадиме омилената летна „униформа“ на виделина – кратките панталончиња.

Тие се женствени, секси и практични, со еден збор – најудобната облека за во лето, која нема да предизвика да се стопиме како сладолед на асфалтот.

Ви ги препорачуваме следните 4 видови на куси панталончиња за долгите летни денови:

Панталончиња од чипка

Романтични, лелеави, фокусот е насочен на нежни пастелни бои, бели или пак црни панталончиња. Изборот е огромен, а подеднакво добро се комбинираат и со штикли и со балетанки.

Бохо панталончиња

Експлозија од бои и принтови, весело шаренило совршено за летните денови и одморот на плажа.

Храбро носете го бохо-шик трендот и оваа сезона, кој е мешавина на боемскиот и хипи стилот на '70-тите.

Шорцеви на риги

Едноставни, минималистички, со висок и низок струк, кусите панталончиња со риги одлично се надополнуваат со патики. Тука е класичната црно-бела комбинација, но и морнарските куси панталончиња во сино-бела комбинација, како и риги во неколку различни бои.

Тексас шорцеви

Безвременски, класика која никогаш не умира. Варијации од потемен кон светол тексас, со џепчиња кои ѕиркаат под панталончињата, до „искинати“ панталончиња со реси... просто ја обожаваме тексас комбинацијата.

(О)Милена | Црнобело