Зошто ѕвездите носат штикли поголеми за неколку броеви?

Оние кои ги следат црвените теписи и останатите гламурозни свечености, сигурно забележале дека славните жени речиси секогаш носат штикли поголеми за неколку броја.

Зошто? Дали е ова некој нов тренд?

Не. Воопшто не се работи за тренд, туку за трик за удобност и здравје на нозете.

Тие сметаат дека ако носат штикли поголеми неколку броеви ќе го спречат создавањето на плускавци и отекувањето на нозете.

Бидејќи со часови се на истите високи потпетици, понекогаш и по цела вечер, за да ја избегнат болката одбираат да носат штикли поголеми за еден или повеќе броеви. На тој начин го избегнуваат притисокот, удирањето на прстите во шпицот и болката предизвикана од ремчињата.

За да можат полесно да одат, стилистите советуваат да си стават силиконски влошки во поголемите штикли.

Двојната леплива лента е исто така уште еден трик со кој се служат за штиклите да останат фиксирани за ногата и ногата да не им излегува на секој чекор.

М. Д. | Црнобело