5 безвременски модни додатоци кои треба да ги спакувате на секое патување

Правилото е – без разлика дали се пакуваш за 2 или 10 денови, мораш да понесеш сè со себе.

Ние жените имаме особено голем проблем, не знаејќи што попрво да напикаме во куферот – облеката, чевлите, чантите, козметиката или пак модните додатоци, односно аксесоарите.

Со цел да ви го олесниме пакувањето, направете задолжително место за овие 5 модни додатоци кои никогаш не излегуваат од мода:

Впечатлив елегантна марама или шал

Покрај тоа што се функционални и ќе ве заштитат од студот или ветерот, тие ја заокружуваат и целата модна комбинација.

Одберете шал или марама од кашмир, кој покрај тоа што е пријатен на допир, изгледа неверојатно луксузно, а бонус е фактот што не зазема воопшто месо во куферот.

Суптилни обетки

Трендовските обетки се секогаш интересни, но доколку сакате некоја фотка да ви остане драг и убав спомен, секогаш внимавајте да носите „евергрин“, безвременски парчиња на себе.

Носете ненападни, суптилни парчиња накит кои ќе одговараат на повеќе модни комбинации и ќе делуваат префинето на вас.

„Бубреже“ торба

Уште еден практичен моден додаток, кој последниве години доби пософистициран изглед од класичното „бубреже“.

 Освен тоа што ќе ви ги собере сите вредни и потребни ситници, како пари, документи, телефонот и малку шминка, ќе изгледате модерно и опуштено.

Сестрани патики

Кога велиме сестрани, мислиме на патики кои идеално ќе одговараат на здолниште и панталони, како и на фармерки и комбинезон. 

Внимавајте да бидат пред сè останато – удобни и не премногу накитени. Едноставниот модел секогаш изгледа поубаво.

Сако „блејзер“

Парче кое инстантно ја менува секоја комбинација, правејќи ја шик и софистицирана.

Додава нота на елегантност, и апсолутно никој нема да остане рамнодушен кон овој изглед.

(О)Милена | Црнобело