Рачни изработки: Мери Зивчевска Кацарска - архитект кој ужива во изработка на накит и модни додатоци
Мери Зивчевска Кацарска, по професија архитект која својата креативност ја применува во рачни изработки како накит и модни додатоци: „Ова го правам повеќе од 15 години иако сум дипломиран инженер архитект креативноста ја наоѓам насекаде, а не само во објектите.“
„Отсекогаш сум сакала да рециклирам и да реупотребувам материјали и да наоѓам нивна повторна примена. Накит правам откако знам за себе. Материјалите што ги употребувам се разновидни. На почетокот рециклирав материјал од облека која веќе не се употребува, во комбинација со перли, монистри, жица ... потоа продолжив со полимерна глина и епоксидна смола, а сега и со глина која се суши на воздух која дополнително ја исцртувам и бојам.“
Мери го креира својот бренд Мериленд.
На прашањето кои се најбарани модни додатоци, таа вели:
„Најбарани парчиња се обетките од полимерна глина, брошевите од текстил и ланчињата од airdryclay. Секој материјал си нуди свои опции и можности за остварување - сакам да експериментирам низ и креативниот процес многу лесно влегувам во нивни заеднички комбинации.“
„Омилени парчиња немам, сите се мои чеда и си ги сакам подеднакво, во зависност од расположението и моменталната емоционална состојба никнуваат нови и нови парчиња секогаш различни од претходните. Токму таму ја наоѓам убавината во секоја творба и поттик“ - вели Мери.
Е. П. | Црнобело
Би можело да ве интересира:
Препорачуваме
Најчитани неделава
