„Моите 5 омилени модни комбинации“ со Ксенија Деспотоска, моден блогер

Прилепчанката Ксенија Деспотоска – модна блогерка која плени со својот стил на Инстаграм. Млада, урбана, шик и секогаш насмеана.

Како моден инфлуенсер, секогаш е инспирација со својот стил, а во моментов има речиси 30.000 следбеници на нејзиниот Инстаграм профил.

Ксенија со нас ги споделува нејзините 5 омилени модни комбинации:

1. Монохроматска комбинација

Секогаш лесна за склопување. Комбинирам повеќе парчиња со нијанси од истата боја и најчесто кога немам инспирација што да облечам, таа ми е комбинација со која сигурно нема да погрешам за каква прилика и да станува збор.

2. Одело во боја

Лесно за комбинирање, а може да си играте и да создавате најразлични аутфити. Може да се комбинира со кошула, обична маичка, со патики или со штикли па така секој аутфит може да се надополни со свој индивидуален израз.

3. Комбинирање на повеќе пастелни или силни бои

Многу сакам да си играм со бои па затоа го обожавам овој тренд. Но сепак треба да сте внимателни за да не оставате хаотичен впечаток.

4. Кежуал комбинација

Со патики, и бело блузиче во разни варијации со сако или пролетен мантил и џемперче ми е исто така една од комбинациите во кои се чуствувам доста удобно. За секојдневни прошетки ми е „must have“ комбинација

5. Бела кошула во секоја комбинација

Белата кошула е парче кое секој би требало да го има во својот плакар. Белата кошула секоја комбинација знае да ја подигне на повисоко ниво и да ја направи посебна. Ова се некои од моите омилени комбинации.

Прочитајте и: „Моите 5 омилени парчиња облека“ со Бојан Гиевски, инфлуенсер

©CRNOBELO.com Забрането преземање и копирање. Крадењето на авторски текстови е казниво со закон.

Е. П. | Црнобело / фото: приватна архива на Ксенија Деспотоска