Првата дама на Македонија повторно направи моден погодок со бојата што одлично ѝ прилега (фото)

Во совршено модно издание, со симболично обоени дланки Елизабета Ѓоргиевска им даде поддршка на лицата со ретки болести.

Првата дама на Македонија Елизабета Ѓоргиевска е позната по беспрекорниот моден стил, а сега повторно се појави во одлично модно издание и тоа во боја што совршено ѝ прилега.

Денес (28.02) е Светски ден за поддршка на лицата со ретки болести, а нашата прва дама даде свој придонес во поткревање на јавната свест на оваа тема.

Таа по овој повод одржа говор облечена во капут костим во корална боја.

На својот Инстаграм профил објави неколку фотографии од овој настан и напиша:

„Денот на ретките болести нека биде поттик да продолжиме да им помагаме на лицата со ретки болести, во нивната целосна интеграција во општеството.

Човековиот живот нема цена. Ако има надеж дека некој пациент може да се излечи, или неговиот живот да се олесни, државата мора да помогне, независно од цената за таа здравствена услуга.“

Во совршено модно издание со фустан исто така во корална боја таа се појави и кон крајот на 2021-ва година на настан за поткревање на јавната свест околу насилството врз жените и девојчињата.

Тогаш првата дама на Македонија порача:

„Само затоа што не се гледаат лузните на жртвата, не значи дека насилството не се случило.

Справувањето со насилството врз жените и девојчињата е потребно да биде наша секојдневна обврска и одговорност, бидејќи нужно е секој од нас не само да говори, туку и да даде поддршка и да ги охрабри жртвите да го прекинат својот молк и да се спротистават, без страв од осуда и безизлез.

Силната посветеност денес, создава безбедна структура на поддршка во иднина.“

С. С. | Црнобело