Топ 10 работи за Кинезите

Како инспирација од наш претходен текст во врска со искуството од патувањето во Кина, една наша читатела која исто така ја посетила...

...оваа земја ни испрати листа од 10 работи кои треба да ги знаете за Кинезите:

1. Машките носат женски чанти (тоа значело дека и е верен на девојката, ама во поново време сè повеќе машки носат поради мода);

2. Вообичаено е луѓето да плукаат на улица (дури имавме ситуација и во Арт музејот во Шангај да видиме како плукаат);

фото: Дарјан Стојановски

3. Најнормално е доколку на улица сретнеш луѓе да шетаат по пижами (во Пекинг дури и во дискотеките има луѓе што одат по пижами);

4. Мода е да се носат наочари без стакла во сите бои (посебно во Шангај);

5. Во музеите, храмовите кај што пишува цени за влез има цена за деца кои се под 120cm и над 120cm (децата под 120cm без разлика на годините плаќаат една цена);

фото: Дарјан Стојановски

6. Најинтересно е тоа што во кафичите се служи топла вода, доколку побарате ладна можете погрешно да бидете сфатени а најмногу што ќе добиете ќе биде посебен бокал со лед;

7. Чипсовите им се благи (и пуканките исто);

8. Додека нарачуваш во ресторан келнерите цело време стојат до масата (дури и по половина час и повеќе ако треба), а исто така не се остава ни бакшиш;

фото: Сања Станковиќ

9. Кај нив воопшто не се почитуваат сообраќајните знаци и семафори, значи постои тотален сообраќаен хаос (може дури да видиш луѓе кои ја поминуваат улицата дијагонално иако е 5 пати поголема од нашите раскрсници, колите и автобусите ретко стојат на зелено светло);

10. И да забранети им се facebook, twitter, youtube ... доколку сакаат да ги користат мора да користат proxy и некои за тоа плаќаат претплата.

автор: Сања Станковиќ