На кои места во Грција е најтопло морето во јуни?

Сакате да одите на одмор во јуни, но не знаете дали е морето доволно топло за пливање? Просечната температура на морето во Неа Каликратија е 24.4°C, во Ханиоти е 24.1°C, во Сарти и Торони е 23.9°C, на Лефкада е 23.1°C, на Скијатос е 23°C, а на Миконос во јуни е 22.1°C.

Последниве години многумина решаваат да одат на летување во Грција во јуни – и поради цените и поради пријатните температури. Но, водата во тој период, на одделни делови е и понатаму студена и не е најпријатна за пливање.

Температурата на морето се менува зависно од временските услови – колку сончеви денови има во тој период, дали е месецот врнежлив или има многу ветер, но и од морските струи.

Сепак, следејќи ги просечните температури изминатите години, SeaTemperature.re објави колкави се просечните температури на морето на грчките острови во јуни, а на Weather-stats.com може да се најдат податоци за тоа колкава е просечната температура на морето во јуни на Халкидики и Ситонија, каде што најчесто летуваат Македонците.

Во продолжение погледнете колкава е просечната температура на морето во јуни во Грција и каде е најпријатно за пливање:

Ако сакате да знаете колкава е моменталната температура на морето во текот на целото лето, можете да најдете информација на seatemperature.info.

А. Ј. | Црнобело