5 најубави таверни на Ситонија - вкусна храна, прекрасно зајдисонце и морето на дланка

Вториот крак на Халкидики, има посебна магија. Иако веќе речиси доста испопуларизиран, сепак, не е тешко да најдете мирни сокриени плажи, тивки ресторани, ладовина во близина на море и да уживате во вистинска смисла на зборот.

Храната во грчките таверни важи за една од највкусните во светот, па доколку сакате да пробате морски специјалитети, мезиња во идеална комбинација со грчко узо, свежи салати, ова се 5-те најпопуларни таверни на Ситонија.

1. 5 steps in the sand

Или буквално, на 5 чекори до морето. Се наоѓа во Сикиа, поточно на плажата Pygadaki и додека ја чекате храната, можете да се оладите во морето. Велат дека најубаво е да дојдете околу зајдисонце.

2. Rahona

Pесторан и хотел сместени на патот од Никити кон Неос Мармарас, пред влезот во Парадизос. Фантастичен поглед на морето во текот на денот и уште поубаво за време на зајдисонцето. Познат по домашните пити и ципуро. Најчесто е мирно и нема гужви.

3. To Simadi

Tаверна во Парадизос, пред Неос Мармарас. Дел од масите се поставени на самата плажа. Ако начекате маса на зајдисонце – добитна романтична комбинација.

4. Manassu Beach Bar & Restaurant

Во Agios Nikolaos е овој елегантен, скриен рај. Прекрасна музика, покрај плажа со кристално чисто море, услуга на ниво.

5. To Limanaki

Во Неос Мармарас, кај самото пристаниште, ќе пронајдете најсвежи морски плодови подготвени совршено вкусно. 

E. П. | Црнобело