Како во рајот: Најубавиот пристап во море преку скали се наоѓа во Хрватска (фото)

Бајковита вила во заливот Чикат на островот Лошињ ги има најубавите скали за влез во Јадранското Море. Совршено за фотки, зарем не?

Градот Мали Лошињ е град сместен на јужната страна од островот Лошињ, седмиот по големина остров на Јадранот.

Поради својата блага медитеранска клима и огромниот број растителни видови што растат на него е познат како вистински рај.

Едно од најубавите места на островот Лошињ е заливот Чикат, каде има изградено неверојатни вили.

Заливот Чикат е популарна дестинација за туристи поради убавата природа, борова шума и кристално чисто море.

Таму има и голем камп „Чикат“, кој се наоѓа блиску до градот Мали Лошињ.

Овој бисер на Јадранското Море до крајот на 19-тиот век бил запуштен, а потоа следело пошумување и во 1992 година е прогласен за парк-шума, чии стогодишни дрвја кријат бројни пешачки патеки, а меѓу најпопуларните е онаа покрај самото крајбрежје што поминува покрај луксузни хотели и познати вили на австриското благородништво.

Меѓу нив, со својата убавина особено се истакнува втората по ред изградена вила - вилата Каролина, која во 1889 година ја проектирал познат виенски архитект.

И покрај луксузот, богатата архитектура и историјата, денес најпопопуларни од самата вила се скалите што се наоѓаат под нејзината градина и кои се сметаат за најубавиот влез во Јадранското Море.

Како вистинско парче од рајот, зарем не?

Повеќе идеи што да правите во Лошињ ТУКА...

С. с. | Црнобело