Холанѓанец воодушевен од Македонија: „Таксистите во Скопје не пробуваат да те измамат, Охрид е спектакуларен“

„Вторпат го посетив Скопје и моите позитивни импресии за градот не се сменија - прекрасен град со неверојатни луѓе. Дури и таксистите што ме возеа беа пријатни и не се обидоа да ме измамат (а тоа зборува многу). Охрид е спектакуларен, а поради Матка вреди да скршнете од патот и да го посетите овој природен резерват“, вели Холанѓанецот Лук Патрик кој е воодушевен од Македонија.

Холанѓанецот Лук Патрик, кој е инфлуенсер за патувања и има преку 85.000 следбеници на Инстаграм, веќе 6 месеци патува сам низ Европа.

Тој објавува фотки и видеа од своите авантури, и споделува приказни и искуства со своите следбеници за местата што ги посетил.

Лук неодамна беше и во Македонија. Тој помина три дена во Скопје и Охрид, па со восхит зборува за земјата.

Во едно од своите видеа тој „додели награди“ за земјите од регионот, па според него, Македонија е најевтината земја во регионот, а трета е по гостопримливоста, веднаш по Турција и Србија.

Откако го заврши патувањето во Македонија, тој ги раскажа своите впечатоци за земјата:

„Моите 3 дена во Македонија поминаа многу брзо. Сакам да ѝ се заблагодарам на Серафина која ми дозволи да спијам на нејзиниот кауч и која ме прошета низ нејзината убава земја.

Вторпат го посетив Скопје и моите позитивни импресии за градот не се сменија. Тоа е прекрасен град со неверојатни луѓе.

Дури и таксистите што ме возеа беа многу пријатни, ми помагаа и не се обидоа да ме измамат (а тоа зборува многу).

Откако го истражив Скопје, се упатив кон најголемиот туристички магнет во земјата, Охрид.

Охрид е спектакуларен и не ми е јасно зошто не се спомнува во разговорите во кои се зборува за убавините на Дубровник или Венеција.

Последниот ден го поминав со мојата прекрасна домаќинка Вирџинија. Бевме на кањонот Матка, природен резерват на 1 час возење од Скопје со автобус.

Исто како и Охрид, вреди да скршнете од планираната рута за да го посетите. Нема да поверувате што гледате“.

Лук објави и видео од денот поминат во Охрид, па се пофали дека за 26 евра стигнал до градот, бил на ручек и ја посетил Самуиловата тврдина.

А. Ј. | Црнобело