Јовица од Скопје за божиќниот маркет во Виена: „Мириса на цимет и греено вино, личи на бајка од Дизни“

4. Мора да пробате и од уличната храна, односно street food – колбаси во лепче со сенф и кечап, переци, потпечени компири со путер и многу други традиционални австриски специјалитети, кои се совршени за гладните минувачи. Колбасот чини од 4 до 6 евра, додека переците, кроасаните и костените чинат од 2 до 5 евра.

5. На секој од овие бројни божиќни маркети во Виена ќе наидете на перформанс во живо, некој детски хор или музика која доаѓа од некој инструмент, а музичарите свират стари, познати божиќни песни.

Културната сцена на градот во овој период е во полн ек. Музичките хали се исполнети со звуците на класичната музика, особено со делата на Моцарт, Бетовен и Штраус, кои даваат уште пософистициран шарм на празничната атмосфера.

Иако сум бил многупати во Виена, архитектурата на градот е она што секогаш најмногу ме освојува, од палатата Schönbrunn, преку замокот Belvedere, до катедралата Stephansdom.

A, градот е спој на минатото и модерното.

Токму затоа и препорачувам да ја посетите Виена во овој период, бидејќи комбинацијата од божиќниот дух, културно богатство и архитектонска убавина создаваат незаборавно искуство.

Без разлика дали ќе се прошетате на бројните божиќни маркети, дали ќе присуствувате на добропознатите класични виенски концерти или едноставно ќе талкате по преубаво декорираните улици, Виена во декември изгледа како сказна.

Дали би ја посетил повторно? Апсолутно! Секогаш има нешто ново да се открие во Виена. Градот е еден од ретките кои оставаат печат кај туристот од многу причини.

Јас, како екстремен љубител на кафе, уживав во мирисот и вкусот на мојот омилен топол напиток, кој оди совршено со парче Захер торта или штрудла.

Градот ги исполнува очекувањата на секој хедонист, нудејќи им на посетителите волшебно искуство исполнето со многу забава, културни манифестации и зимска убавина.

Виена во декември нуди сè – празнична атмосфера, кулинарски задоволства, историски моменти и сето ова го прави градот волшебен“.

Реченица за авторски статии: ©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело