Мрачната страна на крстарењата: Девојка доловува застрашувачки сцени од крузер (видео)

„Ова е нешто што мора да го знаете за крстарењето во февруари“, вели девојка од САД и преку видео прикажува со какви страшни сцени се соочува навечер за време на нејзиното крстарење.

Викторија од САД е патувачка блогерка, која своите авантури ги споделува на Инстаграм и ТикТок.

Најмногу реакции досега поттикна нејзиното видео, каде таа плови со крузер и ја прикажува помалку романтичната страна на крстарењата – онаа на која многумина не помислуваат додека го планираат својот одмор од соништата.

И додека сите замислуваме мирно море, ведро небо и коктели на палубата, нејзината снимка покажува како изгледа кога ќе се најдете на отворено море за време на бура.

На видеото, со милионски прегледи, таа излегува на балконот од својата кабина во пижами, од каде што се гледа темното и разбранувано море, додека во позадина се слуша силен ветер.

Во описот Викторија вели: „Ова е нешто што мора да го знаете за крстарењето во февруари“.

@victorias.way

This is also something to know about cruises in February😱🌊 #cruiseship #cruiselife #cruisetok #cruisetips #darkocean

♬ original sound - Victoriasway

Викторија вели:

„Крстарењата се забавни додека не сфатиш колку е океанот навистина темен и мрачен... и колку е застрашувачки кога бродот ќе го зафати бура.

Погледнете колку се ниша бродот.

И тука не можеш ништо да направиш.

Ова ги потврдува моите стравови...“

Видеото предизвика бројни коментари, а некои признаа дека сцената ги исплашила и дека изгледа „како нивниот најголем кошмар“.

Дел од коментарите:

„Мојот најголем страв, не знам да пливам!“

„Поради Титаник никогаш повеќе не одам на крстарење! Ова видео само ги потврдува моите стравови“.

„Зошто ми се појавува ова токму сега кога за три дена одам на крстарење?“

Но, имаше и еден охрабрувачки:

„Имам резервација за следната недела и обожавам да го гледам океанот ноќе. Толку е опуштачки, дури и со вакви бранови“.

Викторија покажува колку дува на крузерот за време на нејзиното февруарско патување:

С. С. | Црнобело