Зошто да патувате сами?

Некои уживаат да патуваат сами, но некои воопшто не би си дале таква можност. Постојат многу предности ако патувате сами. Нема караници каде да одите и ...

 

...што да видите.

Нема забушанти, нема нервози и слободни сте како птица. Ако сеуште не верувате во соло патување еве неколку факти кои можеби ќе ве разубедат.

1. Слобода – да одите и да правите што сакате кога сакате. Ретки се ваквите моменти во животот. На работа постои ред, дома исто така. Но, ако патувате сами, нема никакви грижи и обврски кои би ве попречиле да уживате сами со себе, во нова земја или град.

2. Станувате подостапни – без фамилија, сопатник, другари или деца, брзо ќе стекнете нови познанства. Луѓето полесно приоѓаат на еден човек отколку на цела багра. Соло сте послободни и подостапни за останатите.

3. Подвижност – на групни патувања често мора да се движите сите заедно. Тие сакаат да тргнат рано наутро – а вас ви се спие. Секако, мора да станете и да се придружите на останатите. На крај ќе ве одведат на некое глупаво место кое никогаш не би го посетиле да сте сами. Вака имате комплетна слобода на движење и разгледување она што навистина ве интересира.

Кај ваквите патувања најважно е да се ослободите од стравот и да сфатите дека странските земји се отворени за туристи и доволно е да го познавате англискиот јазик за да се разберете. Само без страв и тргнете во истражување нови земји и обичаи.