Почнавте да штедите за одмор?

Без оглед што можеби ви се чини дека не е време за штедење, немојте да се откажувате. За штедење е секогаш вистинско време, а колку порано почнете...

 

...толку поголеми ви се шансите за да заштедите доволно.

Следуваат летни одмори, можностите за патување се отворени, самостојност во животот...

1. За штедење никогаш не сте премлади. Иако мислите дека штотуку сте почнале да работите, дека платата ви е мала, дека мора да си купите некои ситници – обидете се да го инволвирате и штедењето.

Не мора да биде значајна сума, но на долг рок и од ситната заштеда ќе имате голема корист.

2. Живејте под своите можности. Ако сте студирале сигурно сте навикнати на скромен живот и со душа чекате да ги трошите парите кои сте ги заработиле сами.

Ако сте се вработиле по средно училиште сигурно сте среќни што не барате пари од родителите и трошите свои пари.

Не се расфрлајте. Немојте веднаш да трошите на автомобил, козметики, алишта, стан...

3. Направете фонд за вонредни трошоци. Тешко е да се штеди кога одвај имаме и за основните потреби, но имајте предвид дека секогаш се појавуваат непредвидливи трошоци.

Ако имате на страна тргнато нешто “за секој случај“ полесно ќе ги премостите проблемите.

Ако соберете доволно, а нема екстра трошоци – можете да ги искористите за летување, зимување или нешто слично.

4. Внимателно со кредитните картички. Не мора да имате 5 картички, понекогаш и една е премногу. Иако е привлечно да купите нешто на намаление со картичка, веројатно кога ќе дојдат ратите ќе сфатите дека можеби и не ви било потребно. Кредитните картички често имаат додатни трошоци, годишни чланарини, камати...

5. Само затоа што сте квалификувани за кредит – не значи дека треба да земете. Кола и стан се долгорочни инвестиции. Размислете дали можете ратите да ги отплатувате наредните 5-30 години.

Дали ќе имате доволно за живот? Ако останете без работа? Обидете се прво да имате заштедено, па потоа да земете кредит.