За љубителите на кампувањето

Ако сте љубител на кампувањето, најдобрите европски кампови нудат вистински одмор по достапни цени. Авторите на книгата "Cool Camping Europa"...

 

...одбрале 80 најдобри кампови на Стариот континент и покажале дека не сите кампови се врзани со масовен туризам.

Ова се првите 5:

1. La Fresneda, Каталонија

Кампот има 28 локации за сместување помеѓу маслинови дрвца и бадеми. Од 2002 година е под раководство на пар од Холандија кој на гостите во локалниот ресторан им нуди шпански специјалитети и вино од локални производители.

2. Il Falcone, Италија

Умбрија, регионот во кој се наоѓа кампот, се уште не е локација за масовен туризам. Можностите за сместување се крај брегот од каде имате прекрасен поглед на блиското езеро, а градот Орвието ве кани на дневни излети.

3. Camp Spirit, Холандија

Гостите не мора да се грижат за сместување, затоа што домаќините на располагање ставаат разни шатори. Во секој од нив има “кревети“, садови и основни намирници. Интересно хипи место.

4. Areti, Грција

Шаторот можете да го поставите веднаш до плажата или нешто подлабоко во шумата со борови и еукалиптуси. Доколку ви здодее кампувањето, може да изнајмите дрвена куќичка, а кампот нуди и низа спортски активности.

5. Les Romarins, Франција

Одличен избор за сите кои сакаат да го посетат Монако и Азурното крајбрежје. Кампот се наоѓа во близина на панорамската улица над Монако и по прифатливи цени нуди сместување со прекрасен поглед на море.