Љорет де Мар - рај за млади

Љорет де Мар е место во Коста Брава, Шпанија, кое најчесто е посетувано од млади заради бројните можности за забава. Но, сепак, Љорет е место...

 

...кое има многу повеќе од само забава.

Овој модерен и динамичен град сместен на јужниот дел од Коста Брава се издвојува по можностите што ги нуди неговата локација – на 100 km од Франција и 75 km од Барселона, со шармантен брег со плажи и заливи, богато културно наследство, мали селца, средновековни замоци, цркви и градини.

Љорет де Мар е град со долга историја, стар преку 1.000 години. Основан е од римјаните чии траги може да се видат во околината.

Се верува дека името потекнува од зборот "lauretum" што значи “ловор“. До 50-тите години на минатиот век, жителите главно заработувале од трговија. А денес од туризам.

Со историја што датира од III век п.н.е Љорет де Мар важи за вистински космополитски град, кој пречекувајќи илјадници туристи секоја година, успева да го задржи и својот традиционален идентитет.

Регионот полн со културно историски споменици и бујна природа е одлична основа за културен и спортски туризам.

Но, благодарение на секогаш интересниот ноќен живот градот привлекува пред се’ млади туристи желни за целовечерна забава.

Доколку сакате помирен одмор изберете сместување подалеку од клубовите или отпатувајте надвор од главната сезона.

Главната плажа долга 1.630 метри секоја година е наградувана со Сино Знаме, што значи дека е исклучително чиста, безбедна и ги задоволува еколошките стандарди. Всушност, вакви карактеристики имаат сите пет главни плажи на брегот долг 7 km.

Вечерите и ноќите во Љорет де Мар може да ги поминете во амбиент по ваш вкус затоа што изборот е огромен – од традиционални таверни до современо уредени кафулиња, дискотеки, клубови, британски и германски пабови, домашни и интернационални ресторани.

Можете да одите на пена парти во Colossos, на караоке забаво во Moby's или едноствно да танцувате до изгрејонце во Bumpers, Tropics или во Hollywood.

Љорет де Мар е место кое сигурно ќе ви овозможи незаборавен одмор.