Работи што не треба да ги кажувате во другите држави ако сакате да бидете учтиви

За многу туристи, комуникацијата со локалните жители е важен дел од нивното патување.

Оваа интеракција им овозможува вистински да ја почувствуваат атмосферата на државата или градот. Сепак, кога ќе поразговарате со некој локален жител, ќе дознаете многу за тамошните традиции и култура, но дефинитивно ќе добиете и некој совет со кој ќе си го поедноставите патувањето.

Но понекогаш, дури и кога имате најдобра намера, разговорот може да не се одвива по план. Можеби не сте спомнале религија или политика и не сте се смееле за некоја локална традиција, но сте направиле некоја грешка.

За да ги избегнете овие ситуации, добро е да знаете кои се нештата што не би требало да ги кажувате во некои од најпопуларните држави за патување.

Италија

- Не прашувајте каде можете да најдете Starbucks. Единственото кафе што го почитуваат Италијанците е еспресото. Најчесто го пијат „од нога“, во мала кафетерија.

- Немојте да им кажувате на Италијанците за вашите експерименти со италијанска храна. Доколку додавате кечап наместо доматен сос во тестенините, не кажувајте го ни тоа.

- Немојте да се жалите бидејќи локалните жители не ги почитуваат сообраќајните правила. Бесцелно е да им објаснувате дека не треба да возат побавно од пропишаното или дека треба да ги следат другите правила.

- Италијанците речиси секогаш се бакнуваат два пати кога се среќаваат. Па, немојте да ги одбивате овие бакнежи. Во Италија, овој поздрав е како ракување.

Грција

- Немојте да барате безглутенска храна или веганско мени во ресторан. Грците сметаат дека нивната кујна е погодна за секого па сигурно нема да најдете безглутенска или веганска опција од некое јадење.

- Немојте да зборувате за економската криза или да прашувате какво влијание имала врз некого. Сигурно никој не сака да зборува за тоа како ја изгубил продавницата или кафетеријата.

- Немојте да се смеете за долгите грчки презимиња.

Франција

- Не прашувајте ги Французите дали сакаат да јадат жаби или школки. Ова е најпопуларниот стереотип за Франција, а на Французите им е здодеано да ги слушаат овие прашања.

- Не потсетувајте ги за нацистичката окупација. Окупацијата на Франција е голем удар на нејзината гордост, па повеќето Французи не сакаат да дискутираат на оваа тема со странци.

- Немојте да велите дека Британците го измислиле шампањот. Можеби ова е вистина, но Французите биле оние кои го усовршиле пијалакот и го направиле она што го знаеме денес.

Бразил

- Немојте да велите дека Аргентина е одлична или дека сте фан на Лајонел Меси. Бразил и Аргентина долго време се ривали и двете држави мислат дека го имаат најдобриот тим во Јужна Америка, и тоа не само за фудбал.

- Немојте да зборувате за „бразилски задник“. Жените од Бразил премногу пати го слушнале овој сексистички израз.

- Немојте да спомнувате бразилски серии. Многу од локалните жители веруваат дека овие серии создаваат погрешна слика за државата. Истовремено, не им се допаѓа што филмската индустрија на државата е претставена со такви неквалитетни серии.

Јапонија

- Не прашувајте некого колку долго бил разведен. Јапонците, особено постарите, сметат дека разводот е срамно нешто.

- Не зборувајте за посвојување. Посвојувањето е интимен процес во Јапонија и претставува тема што не се дискутира надвор од семејството.

- Немојте да се фалите за вашата палта, ниту да прашувате колку заработува некој друг. Ова е неучтиво прашање во многу држави, но во Јапонија е табу да се зборува за пари.

- Не зборувајте за јакуза. Можеби за нас ова е интересна тема, но за Јапонците, членовите на јакуза се криминалци.

- Немојте да кивате и кашлате во јавност без посебна медицинска маска. Исто така, немојте никогаш да го дувате носот во јавност. Јапонците се навистина загрижени за вирални инфекции.

- Немојте да оставате бакшиш. Во Јапонија можете да навредите некој со ова.

Продолжува на следната страница...