3 предлог дестинации за есенско патување

Што прво ви паѓа на памет кога ќе се спомене октомври? Не знам за вас, но мене овој месец ме асоцира на долги прошетки низ златно-портокалова шума, печени костени, сок од калинки и неколкудневно патување.

Ако сте љубител на патувања, а верувам дека не постои некој кој не е, тогаш соодветен момент да излезете од статус кво точката е набрзина да купите авионски билет и да ве снема од дома.

Неколку интересни предлози за оваа есен:

Можеби Маракеш и Фес се поголеми градови, но Казабланка во Мароко е совршен издувен вентил од секојдневието. Локалната култура на градот претставува мешавина од европска и северноафриканска.

Посетете ги историските места што ги нуди градот, а никако не заборавајте ја и џамијата Хасан II со колонијална архитектура.

Ако сакате да бидете на раат од турканици, тогаш качете се во авион и право во Копенхаген.

Изгледа дека туристите не се многу расположени да го шетаат градот наесен, повеќе им одговара летниот период.

Добро би било да се упатите да ја видите статуата на Малата Сирена, забавниот парк „Тиволи“, како и слободниот град, Кристијанија. 

Велат дека есента е идеален период да прошетате до некоја медитеранска плажа. Додека сите тој период одат во Шпанија или на Сицилија, вие посетете го Кипар. 

Нема од што да се разочарате. Малите селца се како излезени од разгледници, идеални за мирување, какво што одамна посакувате.

Има и што да се прави, од пешачење, кампување, па сè до фотографирање на омилените места. И пред самото тргнување, дајте си пет-шест часа да ја истражите Никозија.

Е. Х. | Црнобело