Викенд: Тиквешко езеро

Во нашата Македонија има многу места кои вреди и треба да се видат, но Рената од Кавадарци ни препорачува нешто во близина на нејзиниот роден...

...град – Тиквешкото езеро. Тиквешкото Езеро се наоѓа на неколку километри од Кавадарци. Најголемо вештачко езеро во Македонија со 28.5km, а просечната широчина е 500m.

Температурата на Тиквешкото езеро е 24 степени Целзиусови што го прави погодно во летниот период за различни видови на спортови,и за капење.

Но, тоа не е единственото нешто кое може да го правите во овој крај. Тиквешкото езеро изобилува со флора и фауна, со најразлични видови на слатководни риби и птици. Најзастапени риби се: крап, сом, клен, костреш па затоа е честа дестинација на љубителите на риболовот.

За европската јавност примамливи се и крупните грабливи птици кои вооедно спаѓаат во светски и европски реткости.

На крабрежјето на Тиквешкото езеро се наоѓаат повеќе од 1.500 викенд куќи, а специфичнии и посебно атрактивни се оние до кои се патува со чамче.

Па ако се размислувате да поминете викенд на Тиквешкото езеро, наполнете ги торбите со храна и воопшто не се двоумите, затоа што има многу што да се види и прави.

И благодариме на Рената Давчевска за нејзиниот предлог.

Вие во секое време можете да ни праќате ваши статии со предлози за места кои вредат да се посетат во Македонија како и фотографии од истите на Оваа е-адреса е заштитена од спамботови. Треба да ви е овозможено JavaScript за да ја видите.