Прага - срцето на Европа

Градот сместен во срцето на Европа. Магичната престолнина на преубави катедрали, мостови и цркви кои се огледуваат во лицето на реката Влтава повеќе...

...од еден милениум. Прага е град со богата историја и култура и се смета за еден од најубавите европски градови, посетуван од најголем број туристи во текот на годината. Историскиот дел на градот е под заштита на УНЕСКО.

Кога сте во Прага постојат неколку нешта кои задолжително мора да ги посетите:

1. Карловиот Мост – мостот кој го врзува стариот и новиот град во Прага.

2. Прашкиот дворец и катедралата Св. Витус.

3. Астрономскиот часовник и плоштадот во Стариот Град.

4. Синагогата во Еврејскиот кварт во Новиот Град.

5. Зградата која танцува во Новиот Град.

6. Ѕидот на Џон Ленон.

7. Крстарење по реката Влтава...

Освен Прага, вреди да го посетите и познатото гратче Карлови Вари познато по огромната посетеност од некогашната европска аристократија и елита во 19тиот век во кое се наоѓаат 12 топлотни извори со вода со лековита моќ.

Вашето внимание ќе го задржат и повеќето колонади, Англиската црква, познатата Руска црква, бројните кафулиња и ресторани каде можете да уживате во преубавата природа.

Велат дека тој што се изморил од Прага – се изморил од убавина.