„Бев на одмор во Египет, од Скопје летот е 3 часа, морето е рај – зошто топло го препорачувам?“

Јас седев на плажа во текот на целиот ден. Во вода ќе минувате многу време поради тоа што морето е прекрасно и ќе се потсетите на детските денови кога прстите ви се „гужваа“ од предолго седење во вода.

Африка има своја магија. Ќе видите искрени насмевки, радост кон животот, еден поинаков темперамент и одмор кој во голема мера се разликува од оние на европско тло. Верувам дека ќе ви се допадне и дека Египет ќе го посетите многу повеќе од еднаш.

Луѓето се топли и зрачат. На пример кога мојот партнер на Мухамед му спомена некои познати египетски фудбалери, а јас најпознатиот пејач од нивната држава - беше пресреќен затоа што некој се заинтересирал за неговата татковина.

И не само тој, сите Египќани со кои дојдовме во контакт едноставно зрачеа.

Во собите вработените од ресортот ќе ви прават разни фигури од пешкирите, ќе ве поздравуваат дури и кога на 40 степени ги кројат зелениките во ресортите кои наликуваат на ботанички градини, но кои дури и во краток период ако не се наводнуваат веднаш би се исушиле.

Хургада е мртва пустина каде нема да успее ништо ако не наводнува човекот.

Инаку си снимив видео од плажата каде палмите се лелеат додека дува ветре и морето полека се бранува. Знаете за деновите кога ќе ми биде потребно да го пронајдам духовниот мир што го чувствував таму.

Египет е уникатно доживување, топло ви го препорачувам за одмор.“

Повеќе фотки од Египет:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело