„Живеев во Париз – кои се најчестите грешки што ги прават туристите кои го посетуваат?“

Пробувајте различни француски деликатеси

Палачинките и супата од кромид се најпознатите француски специјалитети. Но, француската кујна може да понуди многу други јадења.

Кира советува да пробате печена патка, тартарски бифтек и pate de campagne.

Ако сакате да пробате автентична француска кујна, Кира вели дека е најдобро да одите во бистро, каде што менито е напишано на табла со креда пред самиот локал.

Времето е врнежливо, па не заборавајте чадор

Кира истакнува дека во есен, зима и пролет влажноста на воздухот е голема, но и често врне дожд. Затоа, никако не го заборавајте чадорот.

Ако, пак, ви пречи врнежливото време, Кира советува да го посетите градот во лето.

Метрото е најлесниот начин да се движите низ градот

На прв поглед, париското метро изгледа комплицирано, но по две-три возења ќе сфатите дека лесно можете да се снајдете, како и дека е многу ефикасно.

„Можете да отидете на кој било крај од градот, за помалку од еден час.

Исто така советувам да си ја симнете апликацијата Bonjour RATP која им овоможува на корисниците да ја најдат најдобрата рута за нивната дестинација.

Кога се возите со метро, запомнете дека сте во голем град – избегнувајте да го користите во најголемиот метеж и внимавајте на вашите лични предмети“.

Можно е да налетате на протест

Кира вели дека протестите се многу честа појава во Париз, па пред да одите, проверете ја политичката ситуација во земјата.

„Полицајците често ги затвораат метро-станиците на местата каде што има протест и ги блокираат улиците.

Препорачливо е да ги избегнувате местата каде што има демонстрации бидејќи некогаш протестите ескалираат и стануваат насилни.

Ако налетате на протест, ви препорачувам да се вратите назад, да ја најдете најблиската метро-станица и да си заминете“.

Навечер парковите се затворени

Во Париз можете да видите некои од најубавите паркови во светот, но важно е да знаете дека повеќето ги затвораат навечер.

„Одете во паркот наутро за да се осигурите дека ќе имате доволно време за шетање.

Ако сакате да ѝ се восхитувате на класичната француска архитектура, одете во Luxembourg Gardens.

Можете да ја посетите и градината Palais-Royal откако ќе го видите Лувр, кој е на само неколку чекори“.

Спирова С. | Црнобело