Што да правите кога вашето дете одбива да јаде зеленчук?
Спонзорирано од:
Спонзорирано од ОгласиЗаРабота.мк
Prodavacka 20-05-2019
Возач 20-05-2019
Продавач 20-05-2019


Што да правите кога вашето дете одбива да јаде зеленчук?

Неретко децата се пребирливи кога станува збор за зеленчук. Оброкот може да биде борба, но истражувањата покажуваат дека криењето на зеленчукот во храната не е најдобар начин да го научите детето на здрава исхрана. 

Koga vasheto dete odbiva da jade zelenchuk 01

Ако сте родител сигурно сте се обиделе да ја „маскирате“ брокулата со додавање на слатка намирница - некогаш успева, некогаш не, но во секој случај овој начин е погрешен пристап. Она што треба да се направи е да се изгради вкусот за зеленчук на детето што ќе трае за цел живот.

Вклучете го детето во подготвувањето на храната

Истражувањата покажуваат дека децата кои се вклучени во подготовката на оброкот повеќе јадат зеленчук и здрава храна. Плус, мерењето на состојките може да помогне за вежба на математичките вештини.

Доведете ги децата во кујната и дајте им шанса да ви помогнат колку што е можно повеќе, а задачите нека бидат соодветни за возраста. Помалите деца ќе уживаат во кинење зелена салата, мешање на состојки и поставување на масата.

Пазарете заедно

Одлична идеја е да го вклучите детето и во пазарувањето. Појдете заедно на пазар или во продавница за здрава храна - тоа се места каде има избор на здрави намирници и може да бидете сигурни дека ништо нема да тргне наопаку.

Дозволете му на детето да одбере, објаснувајќи му дека што ќе одбере, тоа ќе треба да го приготви и да го изеде. Ќе му овозможите на детето да се чувствува како да ја има контролата во свои раце и ќе биде возбудено да проба од намирниците што ги одбрало.

Бојата е важна

Истражувањата покажуваат дека децата уживаат повеќе во визуелно привлечно јадења, па затоа вашиот избор нека биде колку што е можно пошарен. Морков, цвекло, домати, боранија, боровинки - природата ни дала прекрасни плодови што може да изгледаат многу примамливо за децата кои не се големи љубители на храна.

Обидувајте се постојано

Вашето дете не сака да помириса карфиол?! Послужете го повторно. Повторно не попушта? Пригответе го уште еднаш. На децата им требаат 10 до 15 проби за да развијат вкус за одредена храна, па единственото што ќе ви помогне во оваа ситуација е многу, многу трпение.

Внесете мултивитамини како додаток во исхраната

Мора да нагласиме дека за овој чекор ви е потребна консултација со педијатар - не земајте ништо на своја рака. Мултивитамините не се замена за оброк, но сепак се важни како додаток во исхраната. Со помош на вашиот лекар ќе го одберете најдоброто за вашето дете.

А. Ш. | Црнобело

Би можело да ве интересира:

Зошто децата до 1 година не треба да го поминуваат времето пред екрани... Благодарение на напредокот на технологијата, денес луѓето можат да направат мног...
Фотка од татко што му менува пелена на своето дете во јавен тоалет ста... Дали сопствениците на локалите прават сè за да им го олеснат престојот на луѓето...
6 работи кои повеќе му штетат на вашето дете од што му прават добро Секој родител се обидува да го одгледа детето правилно, но тоа навистина може да...