Скромната ќерка на Том Круз наполни 18 години - конечно сама ќе реши дали ќе го види татко ѝ по 12 години

Детали

петок, 19 април 2024

Сури Круз цел свој живот живее во сенката на славните родители, нивниот јавен развод и Скиентолошката црква, која е, всушност и најголемата причина зошто има комплициран однос со својот татко, кого последен пат го видела во 2012 година.

Сури Круз, ќерката на Том Круз и Кејти Холмс, наполни 18 години. Роденденот го прослави скромно, со другарка во Њујорк. Таа беше фотографирана низ улиците на градот, со подарок во раката и розов чадор, без шминка и во спортска тексас комбинација.

За тоа време, нејзиниот татко е во Англија, каде што снима ново продолжение на неговиот хит филм Mission Impossible.

Сури целиот свој живот живее во сенката на славните родители, нивниот јавен развод и Скиентолошката црква, која е, всушност и најголемата причина зошто има комплициран однос со својот татко.

Таа веќе 12 години нема контакт со Том, но, сега откако стана полнолетна, сама ќе може да реши дали ќе го види.

Сепак, според Daily Mail, кој се повикува на свои блиски пријатели, „Том Круз не постои за Сури“, и таа е сигурна дека не сака да има ништо со актерот кого последен пат го виде на свои 6 години, кога ја одведе во Дизниленд.

Иако имаше можност да ја посетува, Круз никогаш не го направи тоа.

„Сури има само еден родител, и тоа е мајка ѝ“, рекол анонимниот извор за медиумите.

Бидејќи Сури е и официјално полнолетна, Круз веќе не треба да ѝ плаќа на Кејти Холмс годишна алиментација од 400.000 долари за нивната ќерка, и со тоа, е раскината и последната официјална „врска“ меѓу таткото и ќерката.

Од друга страна, таа е многу блиска со нејзината мајка. Освен што е вистинска копија на Кејти, Сури од мајка си го наследила модниот вкус, страста за креативност, желбата за хуманитарна работа и да им помага на луѓето.

Но, таа не ја наследила желбата за слава, па засега се држи подалеку од Холивуд и филмската продукција.

А. Ј. | Црнобело