Синди Крафорд е природна убавица и на 60: „Имам пакт против фејслифт, сопругот е против тоа и ме сака и без шминка“

Детали

сабота, 13 јуни 2026

Беше симбол за природна убавина во 90-тите години, а остана доследна и во своите 60-ти години – Синди Крафорд признава дека со другарка има пакт против фејслифтинг, сака да старее природно, а на сите им треба и сопруг како нејзиниот кој ѝ вели: „Поубава си природна и без шминка“.

Синди Крафорд, во 90-тите важеше за една од најубавите жени во светот, нејзиното лице беше најпрепознатливо во светот на модата и ги красеше сите насловни страници на најпознатите магазини.

Заедно со Наоми Кемпбел, Линда Еванџелиста, Кејт Мос и уште неколку модели доминираа и ја дефинираа супермодел ерата во 90-тите години.

Денес Синди, и на свои 60 години, уште се држи до вистинските стандарди на убавина и не потпаѓа под влијание на многуте козметички процедури кои се сосема нормални и секојдневни во нејзиниот свет.

Во гостување во подкаст, таа зборува за фејслифтингот и открива кој е нејзиниот став:

„Фејслифт... имам еден вид на пакт со моја пријателка, која е шминкерка, сега веќе е пензионирана. И си велиме ‘нема да го направиме тоа, нели?’.

Се чувствувам среќна што мојот сопруг е многу против такви работи. Тој ми вели дека изгледам убаво. Не сака ни шминка, преферира да бидам без шминка.

Но некогаш ќе си кажам ‘ама види колку добро изгледа таа’ и потоа се потсетувам дека сум рекла не на вакви процедури.

Така што, веројатно не е нешто што го гледам на социјалните мрежи со мојот алгоритам. Сите видоа што се случи минатата година со Крис Џенер, нели?

Јас сум во добри односи со неа и изгледа прекрасно. Но јас дури им велам на луѓето да не си ја фарбаат косата додека не мораат. Има време за тоа.

Не мора да правите нешто додека немате барем најмалку 40 години. Одложете најмногу што можете, зашто потоа ќе бидете приморани постојано да го правите тоа.

Мојата тетка беше естетичар, таа велеше „ако ти пречи тебе, ти пречи тебе“. Не е важно дали пријателите ти кажуваат дека си убава.

Ако ти го сакаш тоа, тогаш треба да биде тоа твоја одлука“.

Извадок од гостувањето:

Низ годините, Синди повеќепати има зборувано дека стареењето под лупа на јавноста е голем притисок за жените кои се обидуваат да задржат младешки изглед.

Сепак, добро е да се види дека сепак има некој кој иако понекогаш паѓа во искушенија, сепак се држи до своите принципи, а не до стандардите од општеството кои се наметнуваат.

М. М. | Црнобело