„Не можам да ги заштитам децата од сè“: Најтешките предизвици на родителите за кои ретко се зборува

„Најтешко ми беше кога децата пораснаа и одеднаш останав во празна куќа и не знаев што да правам“.

Никој не очекува родителството да биде лесно, но за некои предизвици, луѓето стануваат свесни дури откако ќе станат родители.

Генерално ова се работи за кои иако се зборува ретко, скоро секој родител ќе се соочи со нив.

На Редит, неколку родители ги споделуваат најголемите предизвици со кои се соочиле:

„Не очекував дека постојано ќе имам чувство на вина без никаква причина. Притисокот што си го создаваме самите за да исполниме некои стандарди што ги гледаме онлајн е заморен.

Ќе чувствувате вина бидејќи работите и не сте со децата, а потоа ќе чувствувате вина бидејќи сте дома и не работите.

Ќе чувствувате вина бидејќи ќе му направите на детето нешто набрзина за јадење за да имате повеќе време за себе, а потоа ќе чувствувате вина ако не одвојувате време за себе. Има премногу вина“.

„Најголем предизвик ми е да направам сите деца да чувствуваат дека се сакани и ценети подеднакво, особено бидејќи се на различна возраст и имаат многу различни карактери“.

„Во тинејџерските години, децата знаат да кажат работи што повредуваат. Тешко е кога треба да ги игнорирате нивните зборови и да се потсетите дека не ги мислат“.

„Тешко ми е кога гледам дека децата треба да донесат важна одлука за иднината, а јас не можам да им помогнам“.

„Она што мене ми беше најтешко е тоа што немав никаква контрола. Ќе направам планови со пријателите, па некое дете ќе се разболи. Ќе организирам патување за целото семејство, но на децата нема да им се допадне.

Ќе пробам да завршам некоја обврска, но на детето ќе му текне да плаче. Секако, сето ова вредеше, но беше тешко да бидам трпелива секој ден“.

„Најтешко ми беше кога децата пораснаа и одеднаш останав во празна куќа и не знаев што да правам“.

„Најтешко ми беше тоа што знаев дека некогаш ќе бидат повредени и нема да можам да им помогнам за сè – развод, спонтан абортус, несреќа… Не знаете што ќе ги повреди и не знаете кога ќе се случи“.

„Ми беше особено тешко додека децата беа многу мали. Кога се бебиња и тодлери се многу слатки, но не можете многу да го цените тоа бидејќи постојано сте уморни“.

„Најмногу ги мразев советите од другите за тоа ако да си ги воспитувам децата – прави го ова, не прави го тоа, ова училиште е подобро, нека не се дружи со тоа дете… Ве молам престанете“.

Спирова С. | Црнобело