Риба и црвено вино - никако

Дали некогаш сте направиле комбинација од риба со црвено вино? Подборо немојте! Јапонските истражувачи докажале дека не станува збор само за...

 

...кулинарски бон тон, туку дека постои научно објаснување зошто црвеното вино се препорачува со јадења од месо, а никако со риба.

Истражувачот Takayuki Tamura и неговиот тим од лабораторијата на јапонскиот производител на вина "Mercian Corporation", утврдиле дека познавачите на вина го воспоставиле ова правило поради “судар” на вкусовите помеѓу црвеното вино и рибата.

Досега, никој не можеше убедливо да објасни кои црвени вина го уништуваат вкусот на рибата, поради недостатокот на познавања за овој феномен.

Tamura и неговите соработници откриле дека непријатниот вкус на рибата после конзумирање на црвеното вино настанува поради природната присутност на железото во црвените вина.

Истражувачите утврдиле дека постои директна врска помеѓу непријатниот вкус во устата и концентрацијата на железо во вината.

Тестирањето на вината од 38 производители од повеќе земји, утврдено е дека вината со голема концентрација на железо оставаат посилен вкус на риба во устата.

Непријатниот вкус би го снемал кога истражувачите во виното додавале супстанца која се врзува со железото.

Истражувачите заклучиле дека железото во виното е одговорно за тој непријатен вкус на рибата кога тоа се конзумира со риба или морски плодови, но исто така, нагласуваат дека црвените вина со ниска концентрација на железо може добро да се согласува со морски плодови.