6 совети со кои божурите во вазна ќе останат свежи и раскошни подолго време

Што треба да направите пред да ги ставите во вазна и како треба да ги негувате божурите за да останат раскошни подолго време откако ќе ги купите?

Веројатно ништо не може да внесе свежина и раскош во домот како букет расцветани божури во вазна.

Божурот е едно од најубавите пролетни цвеќиња, сезоната им трае кратко, а и брзо овенуваат откако ќе ги купите.

Со оглед на тоа што дека овој прекрасен цвет веќе може да се најде по цвеќарниците и пазарите кај нас, добро би било да знаете како да го одржувате во живот малку подолго.

Неколку совети за свежите божури да ви траат подолго кога ќе ги ставите во вазна:

Бирајте божури со пупки кои се пред отворање, а не целосно отворени (но не и тврди затворени) – за подолго да ви траат

Одберете им чиста вазна и наполнете 2/3 вода во неа, a пред да ги ставите божурите, извадете им ја хартијата

Исечете го стеблото во долниот дел 3-5cm, под агол, пред да ги ставите во вазна, за подобро да примаат вода

Ако има ливчиња во долниот дел (што ќе бидат под вода) извадете ги навреме за да не се создадат бактерии

Одберете им соодветно место – каде што нема да бидат на директна светлина, ниту изложени на провев

Менувајте ја водата во вазната на 2 дена за да ги одржите божурите здрави и свежи

M. M. | Црнобело / фото: depositphotos.com