Скриено значење на цветовите кои ги одгледуваме дома

Во домот поседуваме неколку типични видови на цвеќе кое покрај тоа што ни го разубавува домот и градината имаат и свое скриено значење. Нивната симболика датира уште од античкиот период, но и денес стои како суптилна порака која сакаме да ја пратиме на оние кои влегуваат во нашиот двор или ни даруваат цвеќе.

Еве неколку значења:

1. Камелија

Дарувањето на ова раскошно цвеќе уште од викторијанското време ја имало пораката „Ја ставам мојата судбина во твои раце“.

2. Зумбул

„Те молам прости ми“ е пораката која произлегува од грчката митологија и се врзува со богот Аполон.

3. Каранфил

Белите каранфили се цветовите на слаткоста и убавината, а оние розовите означуваат дека вашиот пријател никогаш нема да ве заборави. Доколку добиете жолт каранфил, личноста која ви го подарила ве презира, а двобојните се знак дека личноста не сака повеќе да има никаква врска со вас.

4. Камилица

Камилицата е цвеќето симбол на одморот и релаксацијата. Токму затоа пожелно е да го поседувате во вашата градина. Дополнително на нејзиното симболичко значење од неа секогаш ќе можете да правите топол чај.

5. Сончоглед

Постои легенда која вели дека Шпанците кога за првпат пристигнале во Јужна Америка, кога ги здогледале сончогледите мислеле дека се злато и токму затоа, денес овие светови се симбол на лажното богатство.

6. Босилек

Денес се употребува како билка зачин и добро е да го поседувате во вашиот дом. Ќе можете да го употребите како додаток на секој оброк. Во викторијанското дома оваа билка била симбол на омразата.