На гости кај Јасмина и Дејан: Стан од 70m2 во Скопје со темни тонови и совршен поглед (фото)

И јас и сопругот сме љубители на добра храна, но кујната сепак претставува простор што често го препуштам на кулинарските вештини на сопругот. Неговата храна е незаменлива.

Имаме дел каде што ги складираме пијалаците, најчесто вината што асоцираат на некој добар настан или патување.

Детската соба… Ах, колку многу би можела да пишувам и пишувам во овој дел. Детската соба е едно мало царство што го создадовме за нашето мало девојче, простор во кој секој еден детаљ е внимателно избран и со голема љубов.

Дневната светлина нуди посебно чувство на волшебност.

Преовладуваат белата боја и дрвените елементи. Играчките, детските постелнини, сите останати детали се претежно во пастелни или во беж бои.

Секое парче во домот е со свој дух на специфичност, па така и сликите на ѕидот ги насликав сама, водена од идејата да создадам уште едно квалитетно парче, а воедно и нешто од трајна вредност.

Секојдневно наоѓам време што го поминувам со ќерка ми во нејзината соба низ игра. Всушност тоа е она што и двете нè исполнува. Значаен и омилен дел и за двете е времето пред спиење резервирано за споделување на денот и читање на бајки.

Секој нов детаљ, што го додавам во собата на ќерка ми, е парче што ме враќа во моето детство, а тој простор е најспецифичен по својата енергија, детска игра и насмевка. Се трудевме да создадеме простор во кој нашата ќерка ќе се чувствува како во бајка.

И успеавме и сега, а и понатаму во животот да ѝ понудиме место кое за неа ќе асоцира на дом, љубов, топлина и безбедност во сопственото мало кралство.

Спалната соба е простор за одмор, книга после напорен ден, изолирана од уреди и екрани. 

Плакарот е во состав на спалната соба, а местото кое за мене нуди спокој после работен ден е удобната столица покрај него што воедно носталгично ме навраќа на ноќите кога со ќерка ми тука заспивавме.

Продолжува на следната страница...