Локал покрај карпа на Тасос е совршен за гледање зајдисонце - има и ноќни журки со диџеи (фото)

Детали

понеделник, 18 август 2025

Ако сакате да гледате совршено зајдисонце во модерна, но релаксирачка атмосфера, тогаш Karnagio Beach Bar во Лименас е совршен за вас.

Karnagio Beach Bar е еден од најпознатите и најпосетувани барови на островот Тасос во Грција.

Сместен е во главниот град на островот – Лименас, на живописно заливче со карпи и ситен песок, совршено за релаксација и уживање.

Атмосферата е навистина романтична, особено на зајдисонце.

Барот има модерен и елегантен дизајн и иако не е најсовршено место за плажа, поради карпите, а неретко и морските ежиња, совршен е за уживање во приквечерните и вечерните часови.

Ќе уживате со одлични коктели, но и забава со свирка или диџеи во вечерните часови.

Може да стигнете со кратко пешачење од центарот на Лименас или со автомобил, има и паркинг пред него.

Ако сакате комбинација од природна убавина и модерен амбиент, тогаш Karnagio Beach Bar е вистинскиот избор за вас ако одите на одмор на Тасос.

Прочитајте и „Бев на Тасос, стигнавме за околу 5 часа од Скопје, вљубувањето во островот ми започна со галебите на траектот“

Почувствувајте ја атмосферата:

Кликнете на видеото:

С. С. | Црнобело