Ѕирнете први во новите канцеларии на Фејсбук (фото)

Детали

вторник, 31 март 2015

Од вчера вработените во Фејсбук веќе полека почнаа да се вселуваат во новите канцеларии кои се наоѓаат во Menlo Park, Калифорнија.

Целиот простор е дизајниран од страна на архитектот Френк Гери, кој ја дизајнираше и концертната сала на Walt Disney во Лос Анџелес и шпанскиот Guggenheim Museum.

Целиот простор на кој ќе биде сместено комплетното седиште на Фејсбук, треба да биде готово за неколку години. Но, веќе голем дел од работите се направени и оспособено е за работа.

Според Гери, она што Марк Цукерберг го барал е да биде пространо, практично и економично. Не претерувал во однос на дизајнерските барања.

Ова е првото седиште на Фејсбук каде ќе има отворен кампус за нови бизниси. Зафаќа простор од 39.948 m2, а ќе има вработено околу 2.800 луѓе.

Она што е особено карактеристично и позитивно е огромниот парк со градина на покривот, како и искористување на сончевата енергија, со што се заштедува на сметките.

За дизајнерските решенија во ентериерот ангажирани се 15 локални уметници кои се трудат да внесат колоритност и уникатност во целиот простор.

Целата внатрешност е како отворена соба со прегради и скали за поврзување на катовите. Ходникот е со силна портокалова боја која ве обзема.

Колку што е голема главната соба, просториите за состаноци се целите од стакло и се централно поставени.

Некои канцеларии имаат интересни имиња, други огромни графити, но се наоѓаат и многу уметнички и уникатно изработени дела.

Покрај работните простории има и места за релаксација и забава. Со оглед на тоа колку е голем целиот простор, на неколку места се поставени мапи за снаоѓање.

Дури и кујната има свој специфичен уметнички белег со ѕид исполнет со садови за јадење распоредени во форма на името „Full Circle“.

Покрај високата уметност, има и простории кои се едноставни, рустични и топли и каде може да се почувствувате како дома.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•