Пластични канчиња како саксии и уште 5 работи кои ги има во турските домови (а и кај нас)

Милјеа на секоја рамна површина, дополнителни мали масички во некој ќош кои се повлекуваат до кауч за гости, а пластичните канчиња не се фрлаат - секогаш им се наоѓа друга намена. Признајте дека ова сте го виделе и во многу македонски домови. 

Мора да признаеме дека освен турски зборови, многу турски навики се останати да тлеат и кај нас.

Па така, уредувањето во традиционалните турски домови, иако за западниот свет може да е чудно, кај нас дури може и некој ќе се пронајде.

Сепак, интересно е кога гледаме како изгледаат домовите на различни култури и нации.

Во продолжение неколку интересни работи кои може да се најдат во турските домови (па дел од нив дури и кај нас):

Неколку каучи и повеќе парчиња мебел за секогаш да има место за гости

Старинските милјеа може да се видат насекаде – од маса до телевизор

Гостите се пречекуваат со колонска вода најчесто со арома на лимон

Секогаш има дополнителни мали масички во некој ќош од собата, за да се донесат покрај кауч за гости

Секое пластично канче (пудинг, кисело млеко) може да си најде своја намена и не се фрла (пр. саксии)

Во тоалетите имаат хигиенски туш, а честопати и тоалетните школки имаат вграден дел за измивање

M. M. | Црнобело