Штедливи трикови за потопол дом

Како што деновите стануваат постудени, така сметките за струја и парно, стануваат повисоки. Но, не е решение ниту да се замотате во јорган и да не можете ништо друго да правите.

Наместо таквите жртви, подобро е да живеете во согласност со некои полесни правила за оптимално греење.

Без разлика на што се греете неопходни ви се некои практични совети за секогаш да ви биде топло, но и да не го платите тоа трипати поскапо.

1. Не ја загревајте собата премногу

Бидејќи секој степен штеди енергија потребна за греење, важно е да ја знаете оптималната температура на секоја просторија. Во дневната и во детската соба оптималната температура е 21°C, во спалната соба е 17°C, а во бањата е 23°C, додека во кујната оптимална температура е 18 °C, остатокот од топлината тука го обезбедуваат фрижидерот и шпоретот.

2. Паметно проветрување на просториите

Прозорот кој е постојано подотворен е најголем крадец на енергијата и топлината. Затоа, најдобро е неколку пати во текот на денот широко да ги отворите прозорците во траење од 5 минути, отколку еден прозорец да е цел ден малку отворен. Во текот на ноќта сите прозорци треба да бидат затворени.

3. Загревајте рамномерно

Доколку постојано го вклучувате и исклучувате греењето може да ви се појави влага или мувла во просториите. Затоа се препорачува просторот постојано рамномерно да се загрева.

4. Испуштете го воздухот од радијаторот

Ако во системот за греење се слушаат необични звуци како клокотење, тогаш значи дека во него има воздух. Тоа го намалува капацитетот на греење, па затоа препорачливо е да го испуштите воздухот од радијаторот.

5. Намалете со трошењето топла вода

За загревање на водата се трошат околу 12 отсто енергија. Главата на тушот намалува за околу 5 отсто од количината на потрошената топла вода, а на тој начин ја намалува и потрошената енергија.

6. Ослободете го просторот околу грејните тела

Завесите и мебелот кои се поставени пред грејните тела спречуваат топлиот воздух да се шири низ просторијата, па затоа потрудете се просторот околу изворот на топлина да остане празен.