Го намалува холестеролот и помага во слабеење: Зошто треба да ја пробате медитеранската диета?

Не ги изоставајте здравите масти

Не треба да се откажете од мастите бидејќи се неопходни за нашето тело. Она што е важно е какви масти внесувате.

Експертите препорачуваат да му дадете предност на маслиновото масло кое е многу достапно и кај нас.

Добро е да внесувате и храна богата со здрави масти, како авокадо.

Генерално, треба да ги избегнувате таканаречените заситени масти кои се наоѓаат во путерот, свинското месо и палминото масло.

Бидете умерени со млечни производи

Од млечни производи, најдобро е да им дадете предност на оние кои се помалку преработени, како фета, моцарела и пармезан.

Можете да внесувате и грчки јогурт, кисело млеко и обично млеко.

Избегнувајте да јадете млечни производи со секој оброк.

Одвреме-навреме можете да јадете и сладолед.

Бидете умерени со месото

Во медитеранскиот начин на исхрана, не треба да претерате со месо и риба и не ги консумирајте секој ден.

Во умерени количини консумирајте пилешко, лосос, туна, телешко, сардини, ракчиња…

Ако ви се потребни повеќе протеини во исхраната, тогаш дајте ѝ предност на рибата.

Придобивките од намалениот внес на месо се потврдени со бројни истражувања.

На пример, според студија од Оксфорд, испитаниците кои јаделе месо само за викенди го намалиле ризикот за појава на рак на стомакот за девет проценти.

Спирова С. | Црнобело