Јагоди со оцет, пржени краставици – Необичен спој на вкусови од државите ширум светот

Модар патлиџан со мед

Во Андалузија прават парчиња пржен модар патлиџан кои потоа ги прелеваат со мед.

Овошје со буковец

Во некои држави во Латинска Америка, како Мексико, овошјето често се зачинува со буковец. Најчесто се користат манго, лубеница, портокал и ананас.

Поховани краставици

На југот од САД прават пржени краставици со презла. Сличен рецепт постои и во Кореја, а овде им додаваат и сусам.

Благо пилешко

Во Турција постои рецепт за пилешко во комбинација со млеко. Исечканите пилешките гради се варат во смеса направена од млеко, шеќер и зачини, а крајниот резултат наликува на пудинг.

Риба со млеко

Овој традиционален рецепт потекнува од Финска и е еден вид супа. Најчесто се прави со лосос, варени компири и праз, а потоа се додава и млеко. Наместо млеко, некогаш се употребува и павлака за готвење.

Спирова С. | Црнобело