Весна од Скопје со двете деца посетила 34 држави во светот: „Никогаш не носам лекови со себе, најчесто имаме проблеми со визите“

Сте имале ли некогаш некои непријатни случки за време на патувањата? Раскажете ни што се случи?

Непријатни случки? Прво што ми паѓа на памет е случката (повеќе страшна, отколку непријатна) кога на крајбрежје во националниот парк Јала во Шри Ланка бевме единствените посетители и видовме свежи траги од леопард.

Паркот е познат по леопардите, но не ги очекувавме покрај морето.

Можеби првото место за најнепријатна случка би ѝ припаднало на онаа, кога децата во Неум во Босна и Херцеговина добија ротавирус, па ни се упропастија еден куп следни планови.

Која ви е дестинација од соништата што сметате дека мора да ја посетите?

Дестинација од соништата мене ми беше Малдиви и ја посетивме. Сега немам баш од соништата, но би сакала меѓу следните да ни бидат Сејшели и Маурициус.

Кое е омиленото место во Македонија што редовно сакате да го посетувате?

Македонија има многу убави места.

Би го издвоила Св. Наум. И јас и сопругот (кој за жал почина од пост ковид компликации) го издвоиме како омилено и редовно му се враќавме.

Изворот и водопадот на реката Бабуна исто е едно преубаво место.

Осумте водопади близу селото Камењане, тетовско се исто преубаво место, кое заслужува внимание.

Колку време ви е потребно за да се подготвите за патувања со деца? Се случува ли некогаш некое од нив да не е расположено за нова авантура?

Многу малку. Брзо, навистина брзо пакувам.

О да, се случува. Од толку авантури и нови и нови дестинации, кога ќе ги прашам каде да одиме следен викенд или период ми велат дома да си поседиме.

Која ви е следната дестинација?

Следна дестинација ни е Лихтенштајн, многу наскоро.

Погледнете повеќе фотографии во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Б. С. Б. | Црнобело