Наим Матоши за животот во Кина и Малезија: „Во Кина наутро пензионери танцуваат по улиците, а Малезија е поим за духовен мир“

Дали Кинезите се навистина точни, дисциплинирани и напредни на поле технологија?

Јас, како посетител на +20 држави, поточен, поработно фокусиран народ немам сретнато и сметам дека не ни постои. Такво вложување во работата, таква дисциплина е завидувачки момент и пример кој дефинитивно секој треба да го следи.

Најубавата работа во овие држави е…

Почитта на Кинезите кон луѓето од сите нации коишто дошле по работа или студирање е воодушевувачка. Буквално бев третиран како „крал“. Секој покажува желба за комуникација, желба за сликање, спријателување, дружба.

Плус, можноста за искусување на нивната храна, традиција, историја, архитектура и милијарда други детали не се исклучува во ниеден момент. Буквално секој чекор е ново искуство.

А пак Малезија е центар за шопинг на Кинезите, а за туристите е место каде ќе видат неверојатна архитектура.

Дали се високи цените? Какви се платите?

Цените искрено за нас се ниски. Во секој момент можеш да си дозволиш сè што ти душа сака.

Кирија на просечен стан во Кина е околу 1.000 евра со оглед на тоа дека живееш во комплекс со фонтани, базени, сопствен парк и ред други поволности.

Малезија, заедно со главниот град Куала Лумпур општо се страшно евтини. Сепак, сè е во зависност од локацијата што е нормално нели, луксузен ресторан со локален ресторан да има разлика во цени.

Меѓутоа најсрдечно препорачувам за љубителите на истражувањето, ако навистина сакаат да изградат искуство за посетената локација, дефинитивно да посетат локален ресторан.

Најдобрата работа на живеењето во Кина/Малезија е…

Во Кина интересно е што за нас странците сите дискотеки, од влезница до вип ложа, е бесплатно поради тоа што чест им е да угостат странец.

Малезија пак е симбол за духовен мир, спокој каде што можеш слободно да прошеташ без тронка страв дека можеби нешто ќе ти се случи, кражба или нешто слично.

Каков е ноќниот живот?

Во Пекинг е прекрасен, неверојатен! За разлика од Пекинг, Малезија е посмирена и без многу случувања.

Продолжува на следната страна...