Драган Владимиров живее на Малдивите: „Со локалците правиме скара средe океан, јас сум единствениот Македонец на островот“

„Една пица би ве чинела околу 1.000 до 1.500 денари, коктел зависи од 600, па до кај 2.000 денари, пиво околу 300 до 500 денари вклучувајќи го данокот и бакшиш за келнерите“, вели тој додавајќи дека еден одмор за двајца или меден месец на Малдивите за седум дена може да чини околу 215.000 денари каде што би ноќевале во Bungalow или во куќичка која се наоѓа во вода на плажа каде што би имале и сопствен базен.

Драган открива дека до сега запознал неколку гости од Србија, Бугарија и Хрватска, но сè уште не сум запознал некој од Македонија, и моментално е единствениот Македонец кој работи и живее на островот, а најмногу гости има од Русија, Европа и Америка.

Вели дека островите се прекрасни, со изобилие на палми и егзотични цветови, но додава дека градовите исто така се средeни и урбанизирани, посебно главниот град Мале, каде е сместен аеродромот.

Драган вели дека најдобро е да се посети овој егзотичен рај во есен, а јули и август се претежно врнежливи, додавајќи туристите да си понесат опрема за нуркање и креми за сончање бидејќи на островите се скапи.

 На крај тој ни открива дека за сега планира да остане на Малдивите со оглед на светската ситуација со пандемијата и дa ги искористи до максимум сите природни богатства на овој тропски рај, кој исто така е дом на убави и љубезни девојки.

©CRNOBELO.com Забрането преземање и копирање. Крадењето на авторски текстови  и фотографии е казниво со закон.

И. Ј. | Црнобело