Сања Коцева: „Во Валенсија после работа се оди на плажа, никој никогаш не брза никаде“

Што нуди Валенсија како забава?

Валенсија е град каде има по нешто за сечиј вкус. Посета на Oceanografic (Океанограф), City of Art and Sciences (Градот на уметноста) и една од најважните модерни, туристички атракции овде, посета на Biopark, каде имате можност за едно поинакво искуство со дивиот свет бидејќи во текот на посетата вие сте тие кои имате ограничено движење, а животните се на слобода.

Потоа прошетки по прекрасните градини на Del Turia, посета на катедрали и секако најубавата летна активност - уживање на преубавите плажи што ги нуди Валенсија.

Има ли добар ноќен живот?

Валенсија нуди богат ноќен живот. Журки покрај плажа, дискоклубови, коктел барови се само дел од ноќниот живот овде, но за да го почувствувате ноќниот живот не мора секогаш да ги посетувате овие места. Музиката и забавата е насекаде низ улиците.

Најчесто тоа се улични изведувачи (street performance) кои се многу чести таму по улици, плоштадите во стариот дел од градот, парковите. Дури и обична прошетка низ градот може да ви биде забавна покрај ваквата атмосфера што владее по улиците.

Која е најубавата плажа во Валенсија?

Една од најголемите и најпосетените плажи во Валенсија е Playa de la Malvarrosa. Песочна,широка плажа која особено во попладневните часови е преполна од локалци.

Плажата е слободна без лежалки (ретко се среќаваат плажи со лежалки), па во Валенсија е пракса после работниот ден остатокот од денот да се помине овде.

Каква е храната?

Од традиционална храна и пијалаци што треба да се пробаат овде на прво место би ја ставила популарната паеља, која има потекло толку од Валенсија, потоа Churros и Horchata кои можат да се најдат во традицоналните, стари слаткарници или кај локалните продавачи по улиците.

Нешто што најмногу ќе го забележите во секој агол од овој град тоа е нивната пршута (Jamon). Карактеристични,огромни парчиња jamon  висат во секоја продавница.

Има и сладолед од домат и сладолед од колбас, но тоа е нешто што не се осмелив да го пробам, а беше доста популарно. И секако најполуларниот шпански пијалак - сангрија.

Продолжува на следната страна...