Сања Коцева: „Го посетив божиќниот пазар во Колмар - целиот град е како сцена од бајка“

Градот е составен од многубројни мали улички кои водат една во друга, а низ секоја од нив се крие различно украсена улица од претходната.

Насекаде популарни беа украсувањата со огромни мечиња поставени на прозорците од зградите.

Движејќи се низ градот и разгледувајќи стигнавме до еден доста познат дел наречен „Мала Венеција“. Сличноста со Венеција не е случајна бидејќи на средината се наоѓа голем канал, а двете страни од улицата се поврзани со повеќе мали мостови.

Има организирано и тури за пловење низ каналот со украсени чамци и уживање во погледот на шарените, мали куќички што се наоѓаат од спротивната страна.

За добро да го разгледаме Колмар ни беа потребни 3-4 часа.

Прошетката ја завршивме во еден од многуте мали ресторани каде што можеа да се вкусат најразлични француски специјалитети.

Новогодишниот базар во Колмар е еден во најпознатите во овој регион, па и покрај пандемијата изобилуваше со огромен број туристи.

Целокупната новогодишна магија која ја нуди ова место е вредна за патот дотаму.“

Повеќе фотки на следната страна...